به‌ره‌و ره‌سه‌نكردنه‌وه‌یه‌كی به‌هێزتر


به‌ره‌و ره‌سه‌نكردنه‌وه‌یه‌كی به‌هێزتر

كرێكار

بسم الله الرحمن الرحيم

الحمد لله رب العالمين و الصلاة و السلام على رسوله الامين محمد وعلى آله وصحبه اجمعين .. اما بعد
به‌ بۆنه‌ی هاتنه‌وه‌ی جه‌ژنی ره‌مه‌زانی پیرۆزه‌وه‌ جوانترین پیرۆزبایی خۆم و ره‌وتی هاوبیرانمان پێشكه‌ش به‌ هه‌موو ئوممه‌تی ئیسلام به‌ گشتی و میلله‌تی كورد به‌ تایبه‌تی و پێشرِه‌وانی رابوونی ئیسلامی له‌ كوردستان به‌ تایبه‌تی تر ده‌كه‌ین, پیرۆزبایی و سۆزو خۆشه‌ویستی و وه‌لائیشمان بۆ موجاهیدانی ئیسلام، بۆ جوامێرانی سه‌نگه‌رنشین و خانه‌واده‌ی شه‌هیده‌ سه‌ربه‌رزه‌كان و موهاجیرانی زه‌مانی غوربه‌ت و زیندانیانی خۆگرو جوامێره‌ به‌ سه‌بره‌كانی تری ته‌وحیدو جیهاد.. هیوادارین خوای په‌روه‌ردگار نوێژو رۆژوو په‌رستنه‌كانی تری قبووڵ كردبین و له‌ ریزی ئه‌و خواناسانه‌دا هه‌ژماردی كردبین كه‌ په‌سه‌ندی خۆیین..
خوشك و برایانی ئوممه‌تی موسوڵمان ..
له‌م كاته‌دا كه‌ جه‌ژنی ره‌مه‌زانی ئه‌مساڵ دێته‌وه‌ سه‌ر ئووممه‌ته‌كه‌مان هێزی خاچپه‌رستانی ده‌رێ و دوورِووه‌كانی ناوه‌وه‌ زۆر به‌ په‌له‌ له‌ ره‌نجێكی دووبه‌رابه‌ردان بۆ ریشه‌كێش كردنی دین و دینداریی، له‌ هه‌وڵێكی به‌رده‌وامدان بۆ كپ كردنی بانگه‌وازی خوایی و كه‌ناردانی ئیسلام و پرۆژه‌ شارستانێتیه‌كه‌ی، به‌ڵام الحمد لله هه‌تا ئێستا هه‌ر له‌ شكستدان و له‌ شین و واوه‌یلای حه‌قیقی زیاتر هیچی تریان پێ نه‌برِاوه‌، ئه‌وه‌ی بووقی میدیاكانیشیان بڵاوی ده‌كاته‌وه‌ ده‌ركه‌وت كه‌ له‌ قیرِه‌ی بۆق زیاتر نه‌بوو، بۆقیش به‌ قیرِه‌قیرِ گه‌وره‌ نابێت.. له‌ به‌رامبه‌ریشدا موسوڵمانه‌ به‌ هیممه‌ته‌كان هه‌ر وان له‌ ره‌نجی هێنانه‌وه‌ی ده‌سه‌ڵاتی شه‌رع و زیندووكردنه‌وه‌ی ئوممه‌ته‌كه‌ی تا ببێته‌وه‌ به‌ ژماره‌یه‌كی كاریگه‌ریی نێو نه‌ته‌وه‌یی.. زۆرینه‌یان هه‌ست به‌وه‌ ده‌كه‌ن كه‌ ئه‌مه‌ ستراتیژێتیه‌كی دوورودرێژی كۆمه‌ڵكاریی هه‌موو ئوممه‌ته‌كه‌مانه‌.. ئه‌مه‌ مه‌سئوولیه‌تی یه‌ك یه‌كی تاكه‌كان و سه‌رجه‌می كۆمه‌ڵ و پارته‌ ئیسلامیه‌كانه‌.. خوای گه‌وره‌ش له‌ رۆژی قیامه‌تدا له‌ هه‌ر یه‌كه‌مان به‌ قه‌ده‌ر كاریگه‌ریی خۆمان ده‌پرسێته‌وه‌، به‌ تایبه‌تی بیرمه‌ندان و نه‌خشه‌وانان و سه‌ركرده‌و پێشرِه‌وانی ئارِاسته‌و په‌روه‌رده‌كاران، له‌ ریزی ئه‌وانیشدا زیاتر له‌ ئه‌میرو پێشه‌وایان ده‌پرسێته‌وه‌، چونكه‌ له‌ قیامه‌تیشدا ئه‌وان ئه‌وانه‌ن كه‌ خه‌ڵكی له‌ ده‌وریان كۆده‌كرێته‌وه‌! وه‌ك ده‌فه‌رموێ: (يَوْمَ نَدْعُو كُلَّ أُنَاسٍ بِإِمَامِهِمْ فَمَنْ أُوتِيَ كِتَابَهُ بِيَمِينِهِ فَأُولَئِكَ يَقْرَؤُونَ كِتَابَهُمْ وَلاَ يُظْلَمُونَ فَتِيلاً) الاسراء/۷۱ـ۷۲ ..


ئه‌مه‌ پله‌و ئاستی به‌رپرسێتییه‌، ده‌بێ له‌ جه‌ژنی ئه‌مساڵماندا به‌ گه‌شبینیه‌وه‌ برِوانینه‌ شكستیه‌كانی رۆژئاوای ئیستیعماری به‌ گشتی و ئه‌مریكا به‌ تایبه‌تی.. به‌ ئومێده‌وه‌ برِوانینه‌ هه‌ستانه‌وه‌ی ئوممه‌ته‌كه‌مان بۆ به‌ خاوه‌ن بوونه‌وه‌.. له‌وه‌ دڵنیابین كه‌ مادام رێبازی پێغه‌مبه‌ری خوامان ێلى الله علیه و سلم گرتووه‌ له‌سه‌ر هه‌قین.. ئا ئه‌م هه‌سته‌ ئه‌ركێكی دنیاو دوارِۆژی ئارِاسته‌وانانی ئیسلامیه‌، كه‌ له‌ موسوڵمانانیدا برِوێنن.. له‌به‌ر گه‌وره‌یی ئه‌م مه‌سئوولیه‌ته‌و دژوارییه‌تی كه‌ خوای گه‌وره‌ ئاوا به‌ روونی خستوێتیه‌وه‌ به‌ر چاوی پێغه‌مبه‌ری خوا ێلى الله علیه و سلم و یاوه‌ران و شوێن كه‌وتووانی، وه‌ك ده‌فه‌رموێ : (فَاسْتَمْسِكْ بِالَّذِي أُوحِيَ إِلَيْكَ إِنَّكَ عَلَى صِرَاطٍ مُّسْتَقِيمٍ . وَإِنَّهُ لَذِكْرٌ لَّكَ وَلِقَوْمِكَ وَسَوْفَ تُسْأَلُونَ) الزخرف / ۴۳ـ۴۴ ..
ئه‌ی سه‌ركرده‌و ئارِاسته‌وان و پێشرِه‌وانی حزبه‌ ئیسلامیه‌كانی كوردستان
له‌گه‌ڵ پیرۆزبایی گه‌رمم لێتان داواتان لێ ده‌كه‌م به‌ گیانی لێپرسراوێتیه‌كی به‌هێزتره‌وه‌ ره‌فتار له‌گه‌ڵ یه‌كتردا بكه‌ین، دین و دیندارێتیه‌كه‌ بپارێزین و غیره‌تی جوامێرانه‌ له‌ شوێن كه‌وتووه‌كانماندا ببزوێنین، تا نه‌هێڵین به‌ره‌ڵای سیاسه‌تی پاشكۆیه‌تی و نه‌وه‌ی جاش و داش له‌ژێر ئاڵای ده‌سه‌ڵاتی كوردایه‌تیه‌وانانی كافردا ئه‌وه‌نده‌ سووكایه‌تی به‌ دین و موقه‌دده‌ساتمان بكه‌ن.. با به‌ خۆماندا بچینه‌وه‌و بزانین سه‌تحێتی تێگه‌یشتنی دینی و ئینتیمای لابه‌لاو په‌ی به‌ شه‌رع نه‌بردن و گه‌رِه‌لاوژێی كۆمه‌ڵكاریی و ته‌عه‌سووبی حزبی و دۆرِاندنی گیانی برایه‌تی دینیمان هۆكاری شكستیه‌كانمانن.. با ئه‌وه‌ندی له‌ هێزی كوفری ناوه‌كی و ده‌ره‌كی نزیكین لانی كه‌م با ئه‌وه‌نده‌ش له‌ یه‌كتری نزیك بین!!
خوشك و برایانی نه‌به‌زو پشوودرێژانی ره‌وت
به‌رپرسێتی ئێوه‌ له‌ قۆناغی ئێستاو داهاتوودا به‌رپرسێتیه‌كی گه‌وره‌تره‌، چونكه‌ ئێوه‌ن كه‌ ده‌بێ به‌ پشتیوانی خوا ببنه‌ پێشرِه‌وانی ره‌وتێك كه‌ چه‌مكی خوابه‌یه‌كناسین و حاكمێتی شه‌رع و مه‌ئواو ئه‌مانی دارالاسلام و وه‌لاء و به‌راء به‌ خه‌ڵكی ده‌ناسێننه‌وه‌، ئێوه‌ن كه‌ ده‌بێت به‌ په‌روه‌رده‌یه‌كی پارسه‌نگی پشوودرێژانه‌ ره‌فتارو ره‌وشتی خۆتان و ده‌وروبه‌رتان به‌ ته‌زكیه‌ی نه‌فس و پاشان ره‌وشت و قیه‌می كۆمه‌ڵگه‌تان به‌ ئادابی كۆمه‌ڵایه‌تی ئیسلام پارسه‌نگ كه‌نه‌وه‌، له‌ زه‌مانێكدا كه‌ سه‌رمایه‌داری ئیستیعماری نوێ كۆمه‌ڵه‌ خه‌ڵكێكی چاوپلاستیكی بێ شه‌رمی به‌ مه‌ستی خستۆته‌ پێش خۆی بۆ چه‌سپاندنی پرۆژه‌ وێرانكاریه‌كانی.. ئێوه‌ن كه‌ ده‌بێ به‌ هه‌ستێكی مه‌سئوولیه‌تی شارستانێتیه‌وه‌ برِوانه‌ مافی تاك و كۆی كوردو وه‌كو باپیرانی دینداری خۆتان ئیماره‌تی پر نان و ئه‌مان بۆ میلله‌ته‌كه‌تان دامه‌زرێننه‌وه‌.. ئێوه‌ش شیاوی ئه‌و كاره‌ن و ئه‌وه‌نده‌شتان له‌باردایه‌ ئه‌و مه‌سئوولیه‌ته‌ بۆ خوا هه‌ڵگرن ..
سه‌ربه‌رزی بۆ موجاهیدان و پێشرِه‌وانی هه‌ستانه‌وه‌و به‌خاوه‌ن بوونه‌وه‌.
(وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيزٌ) الحج/۴۰
والسلام علیكم ورحمه‌ الله وبركاته
كرێكار

دیدگاهتان را بنویسید