ئەمە جەنگی دژ …… بە قورئانە

 ئەمە جەنگی دژ …… بە قورئانە

نوسینی: ئەیمەن موهاجیر

ئاشکرایە هەرکاتێك کە کۆمەڵێك موسوڵمانی ڕەش‌و ڕووت‌و بێ کەس‌و پەنا، بێ ماددەو بەبێ بونی چەکی ئەتۆمی لە هەرشوێنێکی ئەم زەوییەدا کۆ دەبنەوەو پا بەندی خۆیان ڕادەگەیەنن بە قورئانەوەو، بە چەند کڵاشنکۆف‌و چەکێکی بچوکەوە دێنە مەیدان‌و داوادەکەن‌و هەوڵی جێبەجێکردنی دینی ئیسلام دەدەن لە مەیدنەکانی ژیاندا، دەسبەجێ هەموو کوفری جیهانی هاواریان لێهەڵدەستێت‌و یەکسەر ئەو کۆمەڵە موسوڵمانە دەخەنە ناو لیستی بەوتەی خۆیان تیرۆرەوە، کاتێك موسوڵمانانی مالی ڕاپەڕین‌و وڵاتیان لە بەکرێگیراوانی فەرەنسا پاكکردەوەو هەوڵی جێبەجێکردنی حوکمی خوایاندا لە مالیدا یەکسەر فەرەنسا هاتە سەر خەت‌و ئەو موسوڵمانانەی بە (تیرۆرست) ناوبردو هێزی جوڵاند بۆ لەناوبردنیان بە خەیاڵی خۆیان، نمونەی ئەمەش بەسەرئەفغانستان‌و صۆماڵ‌و شیشان‌و مەغریبی عەرەبی‌و یەمەندا دروستە کە کوفری جیهانی بە هەموو هێزو ڕەنگێکی جیاوەزەوە کۆبووەتەوە بۆ لە ناوبردنیان .

خۆ هێشتا ڕژێمەکەی ئەسەد نەکەوتووە بە گورزە کاریگەرەکانی موجاهیدانی سوریا‌ ، ئەمریکا لەوێوە ئەژنۆی شکاوەو هەرزوو کەوتە هەلەکە سەماو موجاهیدانی خستە لیستی تیرۆرەوە، لەکاتێکادا کە ڕژێمەکەی ئەسەد تا ئێستا زیاتر لە ۳٠٠ هەزار موسوڵمانی بێدیفاع‌و دەستەڵاتی سوریای کوشتووەو چەکی کیمیایی بەکار هێناوەو ئەوەی لەمێژودا نەبوو ئەم خستیە سەر لاپەڕە ڕەشەکانی مێژوو، بەڵام ئەمریکا تا ئێستا بەڕەسمی نقەی لێوە نەهاتووەو هیچ هەڵوێستێکی ڕسمی نییەو، تائێستاش هەر بەتەمای صوڵح‌و ڕێککەوتنە لەگەڵ ڕژێمەکەی ئەسەددا بە نوێنەرایەتی ئەهلی ئوتێلەکان لە ئۆپۆزسێۆنی سوریاو مەرج دەسەپێنێت بەسەر سوپای ئازاددا بۆ یارمەتیدانیان کە دەبێت پێش لە ڕژێمی سوریا دەست لە موجاهیدان بووەشێنن، باشە ئەم هەموو دژایەتییەی موسوڵمانان‌و موجاهیدان بۆ، ئایا کوفری جیهانی‌و لەسەروی هەمویانەوە ئەمریکا لەچی دەترسێت، ئایا لە خودی (زاتی) ئەو موجاهیدانە دەترسێت، کەبەشامی شەو مەحتاجن، یان ترسی لەو سەرچاوە هەیە کە مەبدەئەکەیانی لێوەهەڵقوڵاوەو ئیلاهم بەخشی ڕۆژانەیانەو ڕێگای تاریکی ئەم دونیایەی پێ ڕوناکدەکەنەوە .

بەڵێ لەڕاستیدا ئەمە دژایەتی خودی ئەو موسوڵمان‌و موجاهیدانە نیە بەڵکو دژایەتی قورئانە کە بووەتە داینەمۆی هەموو جوڵەیەکی ئەو موسوڵمانانەو دەیانجوڵێنێت بەرەو ڕزگار و ئازادکردنی خەڵکی لە بەندایەتی بەندەوە بۆ بەندایەتی الله‌ی تاك‌و تەنها .

بەڵێ له‌ گوانتانامۆ وله‌ زیندانه‌كانی ئه‌بوغرێب و بوكاو زیندانه‌كانی عه‌لقه‌میه‌كان و پێشتریش له‌ زیندانه‌كانی پارتی و یه‌كێتی له‌ هه‌موو ئه‌م شوێنانه‌دا سوكایه‌تی به‌ قورئان كرا وه‌به‌م دواییانه‌ش له‌ مزگه‌وتی حاجی حانی شاری سلێمانی قورئان له‌ ئاوده‌ست ده‌رهێنرایه‌وه‌ كه‌ عه‌لمانیه‌ مورته‌ده‌كانی كورد چاویان پێ ی هه‌ڵنایه‌ت وه‌ هه‌ردوابه‌دوای ئه‌وه‌ش صه‌لیبیه‌كان له‌ بیست مزگه‌وتی شاری ڕومادی قورئانی ناو ئه‌و مزگه‌وتانه‌یان دڕاندووه‌ و پارچه‌ پارچه‌یان كردووه‌و سوكایه‌تیان پێ كردووه‌، لە ئەفغانستان‌و زۆر شوێنی ئەم دنیایە قورئان کرا بەنیشانەو گولەی پێوە دەنرا، زۆرێك لەقەشەکانی ڕۆژئاوا هاتنە سەرخەت‌و بڕیاریاندا بە ئاشکراو لەبەر چاوی جیهان قورئان بسوتێنن،  له‌هه‌مان كاتدا عه‌لمانیه‌تی كوردی بۆ خاكێكی ئیسلامی و میلله‌تێكی مسوڵمان له‌ عێراقدا ته‌نهاو ته‌نها به‌ ڕژێمێكی عه‌لمانی ڕازیه‌ كه‌ دین هیچ ده‌ورێكی نه‌بێت له‌ ژیانی ئه‌و خه‌ڵكه‌دا و دین و ده‌وڵه‌ت جودا بن، وەدەیانەوێت دەستورێك لە وڵاتتدا تێبپەڕێنن کە مەسعودی (پەنا بەخوا) وەك خوا لێکردووەو ئامادە نییە لە تەختی فەرمانڕەوایی بێتە خوارەوە، دەیەوێت بنەماڵەکەی‌و کوڕو کوڕەزاکانی کە هەمان ئەو قەولەی یەهود جێبەجێدەکەن بەسەر خەڵکی کوردستاندا کە دەڵێت” ئێمە هۆزێکی هەڵبژێراوین لە کوردستاندا” ( نحن شعب الله المختار ) .

هه‌موو ئه‌مانه‌ له‌و كاته‌وه‌ سه‌رچاوه‌یان گرتوه‌ كه‌ وه‌زیری ده‌ره‌وه‌ی به‌ریتانیا له‌ په‌رله‌مانی وڵاته‌كه‌یدا ئه‌وه‌بوو وتی ئه‌وروپا ئارامی به‌خۆوه‌ نابینێت وه‌ ناتوانین ئیسلام له‌ دڵی خه‌ڵكه‌كه‌ی ده‌ربكه‌ین تا مسوڵمانان قورئان و كه‌عبه‌یان هه‌بێت، ئه‌مه‌ هه‌مان ئه‌و هه‌وڵه‌ نه‌زۆكه‌یه‌ كه‌ وه‌زیری(مستعمرات)ـی فه‌ره‌نسی كردی له‌ گه‌ڵ ئافره‌تانی جه‌زائیر كه‌ ئه‌و كات له‌ ژێر ده‌ستی ئیستعماری فه‌ره‌نسیدا بوو ئه‌و وڵاته‌، ئه‌وه‌بوو ئه‌و كافره‌ پێ ی وابوو توانیویانه‌ ئیسلام له‌ دڵی ئه‌و جه‌زائیریه‌كان ده‌ربكه‌ن و له‌بری ئه‌وه‌ سه‌خافه‌تی فه‌ره‌نسی نه‌ك (ثقافه‌) له‌ دڵیاندا جێی ئیسلام بگرێته‌وه‌ به‌ڵام ئه‌وه‌بوو كاتێك ئه‌و ئافره‌تانه‌ بانگ كران بۆ كۆبوونه‌وه‌ هه‌رهه‌موویان به‌ به‌رگی پۆشته‌ی جه‌زائیریه‌وه‌ هاتن بۆ كۆبوونه‌وه‌كه‌ كه‌ ئه‌مه‌ هه‌رگیزله‌گه‌ڵ  ویست و نه‌خشه‌ی ئه‌و دوژمن به‌دینانه‌دا نه‌ده‌گونجا كه‌ ئه‌وان به‌رنامه‌ ڕێژیان بۆ كردبوو، هه‌ربۆیه‌ كاتێك ئه‌و دیمه‌نه‌ی بینی ئه‌و وه‌زیره‌ ئه‌وه‌بوو به‌ نائومێدیه‌وه‌ وتی جا من چی بكه‌م ئه‌گه‌ر قورئان به‌هێزتر بێت له‌ فه‌ره‌نسا؟!

به‌ڵێ قورئان به‌هێزتره‌ له‌ فه‌ره‌نسا به‌هێزتره‌ له‌ ئه‌مه‌ریكا وه‌ به‌هێزتریشه‌ له‌ عه‌لمانیه‌ كورده‌كان كه‌ له‌مێژه‌ هه‌وڵیان داوه‌و به‌رده‌وامن میلله‌تی كورد له‌ ئیسلام دابڕن و دینی دیموكراسی بخه‌نه‌ جێگه‌ی، ئه‌مانه‌ هه‌مووی جه‌نگن له‌دژی قورئان به‌ڵام ئه‌وبێ ئه‌قڵانه‌ شه‌ڕی دۆڕاو ده‌كه‌ن چونكه‌ ئه‌و قورئانه‌ی كه‌ ئه‌وان ئه‌مڕۆدوژمنایه‌تی ده‌كه‌ن هه‌رئه‌و قورئانه‌یه‌ كه‌ دوو ئیمپراتۆریه‌تی ڕۆم و فارسی به‌چۆكدا هێنا ئه‌مه‌ هه‌ر ئه‌و قورئانه‌یه‌ كه‌ زیاتر له‌ هه‌زار وچوارسه‌د ساڵه‌ دژایه‌تی ده‌كرێت و ڕۆژله‌دوای ڕۆژ شوێن كه‌وتوانی هه‌رله‌زیادبوندایه‌ ئه‌مه‌ ئه‌و قورئانه‌یه‌ كه‌خوای گه‌وره‌ خۆی ئه‌یپارێزێت هه‌روه‌ك فه‌رمویه‌تی: (إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ) ئه‌مه‌ هه‌رهه‌مان ئه‌و قورئانه‌یه‌ كه‌ به‌ پشتیوانی خوای گه‌وره‌ نه‌ك عه‌لمانیه‌تی كوردی به‌ڵكو ئیمپراتۆریه‌تی ئه‌مه‌ریكاش به‌چۆكدا دێت بۆی، ئه‌وه‌ی كه‌و ئومێدی خێری تیایه‌ و خۆی به‌ مسوڵمان ده‌زانێت و چاوه‌ڕوانی ڕه‌زامه‌ندی خوای گه‌وره‌یه‌ ئه‌وا با باش بزانێت خوای گه‌وره‌ هه‌رگیز ڕازی نیه‌ به‌و شێوه‌یه‌ سوكایه‌تی به‌ قورئانه‌كه‌ی بكرێت وه‌ ئه‌مه‌ش له‌سه‌ردڵی ئه‌وانه‌ ئاسانه‌ كه‌ ئاماده‌ن له‌ ڕاپرسیدا به‌شدار بن به‌ نه‌خشه‌ی كوفر بۆ گۆڕینه‌وه‌ی شه‌رعی خوای گه‌وره‌ به‌ ده‌ستورو یاسایه‌كی ده‌ستكردی كوفر، له‌سه‌ردڵی موجاهیدانیش زۆر قورسه‌ سوكایه‌تی بكرێت به‌ قورئان به‌ڵام ئه‌و ڕه‌فتاره‌تان ژیله‌مۆیه‌ وه‌ته‌نها به‌وه‌ داده‌مركێته‌وه‌ له‌دڵی موجاهیددا كه‌ به‌پشتیوانی خوای گه‌وره‌ ملی بۆ شۆڕ ده‌كه‌ن یان ده‌بێت ته‌فرو تونا بكرێن، ئه‌مه‌ جه‌نگی دژ به‌ قورئانه‌ .

موجاهیدانیش كه‌ به‌ پشتیوانی خوای گه‌وره‌ به‌رگری ده‌كه‌ن لێی ئه‌وا سوپاس بۆ خوای گه‌وره‌ كوفریان تۆقاندووه‌ و به‌ لاشەی بۆمبڕێژکراو و ئەو جه‌سته‌ی کە دەتەقێتەوە، ئارامیان له‌به‌ر هه‌ڵگرتوون ئه‌وا با باش بزانن ڕقیان به‌و كرده‌وه‌یه‌ی كافرو مورته‌دان ئه‌ستورتر ده‌بێت و بیر له‌ نه‌خشه‌ی تۆكمه‌تر و كاریگه‌رتر ده‌كه‌نه‌وه‌ نه‌ك بۆ تۆڵه‌كردنه‌وه‌ و به‌س به‌ڵكو بۆ بنبڕكردنی كافرو مورته‌دان یان مل بده‌ن و ته‌سلیم بن، هه‌ركه‌سه‌ش ئه‌بێت په‌یمان بدات به‌ خوای گه‌وره‌ كه‌ به‌رگری ده‌كات له‌ دینه‌كه‌ی كه‌ به‌ته‌نها ئیسلامه‌ و غه‌یری ئه‌وه‌ش لادان و گومڕاییه‌ یان ئه‌وه‌یه‌ ناوی ئیسلامی دادی نادات كه‌ سوكایه‌تی به‌قورئان ده‌كرێت له‌و كاته‌دا كه‌ خۆت سه‌رقاڵ كردووه‌ به‌ ده‌ستورێكی شیركیه‌وه‌ كه‌ له‌ دینی ئیسلام ده‌تباته‌ ده‌ر!. ده‌سا خوایه‌ په‌یمان بێت له‌ پێناو ئه‌و دینه‌ی تۆدا كه‌ كافرو مورته‌دانی هه‌راسان كردووه‌ ژیانی خۆمان سه‌رف بكه‌ین به‌و ئومێده‌ تۆ لێمان ڕازی بیت.

 

 

دیدگاهتان را بنویسید