ئەوە سەلەفیيەتە که بوونەته هۆى هەڵگەڕانەوەى چەندان كەس لەدین ؟

ئەوە سەلەفیيەتە که بوونەته هۆى هەڵگەڕانەوەى چەندان كەس لەدین ؟        

 

بسم الله الرحمن الرحیم

یەكێك لە چەكى دەستى مەدخەلییەكان و یەكێك لە تاوان و كردەوە ناشیرینەكانى مەدخەلیيەكان ــ كە بە داخەوە بەناوى مەنهەجى سەلەفیشەوە دەیكەن ــ بریتییە لە دووركەوتنەوە و قسەنەكردن لەگەڵ ئەو موسڵمانانەى كە هاوڕانەبن لەگەڵیان، ئەمەش بەناوى هەجرى موبتەدیعەوە.

ئینجا بەهۆى تێنەگەیشتنیان لەو بابەتە بەو شێوەیەى كە زانایان باسیان كردووە و درێژەیان پێداوە ، وەهەروەها جێ بەجێكردنى بە شێوەیەكى هەڵە ،تووشى هەڵەى گەورە گەورە بووینە و ئاكامى خراپى لێكەوتوۆتەوە ، لە ئەنجامدا خەڵكانێك وازیان لە ئیسلام هێناوە و لە دین هەڵگەڕاونەتەوە ، بەهۆى ئەو وەحشیگەرێتییەى مەدخەلییەكانەوە .

ئەمەش شتێك نییە لە خۆمانەوە بیڵێین و بوختان بۆ خەڵكى هەڵببەستين ، بەڵكو ئەمە شتێكە لە زارى خۆیانەوە بۆتانى دەگێڕێنەوە ، (وشهد شاهد من أهلها)!!!

  1. ئەوەتا یەكێكى وەكو عەلى حەلەبى-كە یەكێكە لە فەرخە موڕجیئەكانى ئوردن ، ئێستا خیلافێكى زۆر توندى هەیە لەگەڵ ربیع مەدخەلى- لە كیتابى (شرح رسالة ومرة أخرى : رفقا أهل السنة بأهل السنة) دا ، لەسێ شوێن باسى ئەو حەقیقەتە دەكات .

لە لاپەڕە (۱۲)دا دەڵێ : و والله ، حدثني بعض الإخوة ــ من بلاد عدة ــ في أوقات متعددة ، وفي ظروف متنوع ــ : أن بعض الذین أسلموا في دیار الغرب ، أسلموا في هذا الیوم ، بعد أیام قلیلة ، امتحنوا :

–      ما رأیك فی فلان ؟

–      من فلان ؟

–      فلان الذي بدعە فلان .

–      والله ؛ لا أعرف .

–      أنت مبتدع .!!

–      الله أكبر!!

حتى إن بعضهم ارتد عن دینه ، ورجع إلى ملة الكفر !! بسبب غلط هؤلاء وفسادهم و إفسادهم .

واتە : سوێند بەخوا ، هێندێك لە برایان بۆیان گێڕاومەتەوە ــ لە چەند وڵاتێك ــ لە چەند كاتێكى جیاواز ، وە لە بارودۆخی جیاوازە : بەڕاستى هێندێك لەوانەى لە وڵاتانى خۆرئاوا موسڵمان بووینە ، ئەمڕۆ موسڵمان بووینە ، پاش چەند ڕۆژێكى كەم ، تاقیكراونەتەوە :

–      بۆچونت چییە دەربارەى فڵان كەس ؟

–      فڵان كێیە ؟

–      فڵان ئەوەى فڵان كەس تەبدیعى كردووە .

–      سوێند بەخوا نایناسم .

–      كەواتە تۆ بیدعەچى .!!

–      الله أكبر !!

تاوەكو هێندێكیان لە دین هەڵگەڕاوەتەوە و ، گەڕایتەوە بۆ ڕیبازى كوفر !!

بەهۆى هەڵەى ئەوانە و خراپەكارییانەوە .

منیش دەڵێم : ڕەحمەتى خوا لە ئبڕاهیمى نەخەعى بێت ، كە دەفەرموێ : من نازانم كە كەس لە مورجیئەكان گێل تر بێت .

توخوا ئەوڕوپا شوێنى ئەوەیە بیدعەى تاقیكردنەوەى خەڵك و ، یاساكانى هەجر و تەبدیعى تێدا جێبەجێ بكەى،بەڕاستى وەكو عەڕەب دەڵێ:( عش رجبا ترى عجبا) .

وە لە لاپەڕە (۲۶-۲۷) یشدا ، دەڵێت : ولعلي قد ذكرت لإخواني  ـ في غیر هذا المجلس ــ : أن بعض أهل الغوا الذین أخذهم هذا النفس غیر النفس ، وهذا الأسلوب السیئ التعیس فذ التضلیل و الإسقاط و التبدیع ــ بغیر ضوابط ولا شروط ــ أنهوا كانوا یمتحنون بعض المهتدین الجدد فی بلاد ضعیف فیها الإسلام ، أو في بلاد ــ لأصلا ــ لیست إسلامیة !! فتراهم أول ما یمتحنوا : ماذا تقول في فلان ؟.. یقول : لا أعرف فلانا ، أصلا أنا لا أعرف .. فیقولون : إذا لم تبدعه ؛ بدعنا و إذا لم تسقطه أسقطناك!!

وللأسف !!

وحدثني من أثق بە :

إن بعض من هؤلاء ارتدوا ، وخرجوا عن الملة ، وتركوا دین الإسلام بالكلیة !!

لە لاپەڕە (۵۱)یشدا ، دەڵێت : حتى ــ  والله ــ امتحن بعض الناس بشىء من هذە المسائل ؛ فارتدوا عن الدین !!

  1. ئبیڕاهیم الرحیلي لە پەرتووكى (القول البدیع في مسائل الهجر والتبدیع) ، دەلێ : وأنا حدثني والله رجل هو أخ لنا یعش في أحد الدول الغربیة یذكر عن بعض الشباب أنهم على السنة فأخطأ زمیلهم وخالف في بعض المسائل ، یقول : فأجمعوا على هجرە وقاطعوە ، ثم لم یلبث أن ارتدا لأنە یعیش في دولة كافرة ، هؤلاء هم خلتە ، فلما أجمعوا على هجرە وقطعوا ، ولم یتمكن الإسلام من نفسە ، وقال : أین هذا الدین الذي یعیني یكون هذە ثمرتە أني لا أكلم ولا أجالس ، ولا یعتني بي أحد ، فا ارتد عن دین الإسلام ، بسبب ماذا ؟ بسبب التهور والجهل الذي یعني جعل هؤلاء یرتكبوا مثل هذا الأمر .

واتە : من سوێند بەخوا پیاوێك بۆى گێڕامەوە ، كە برامانە و لە یەكێك لە دەوڵەتە خۆرئاواییەكان دەژى ، باسى هێندێك گەنج دەكات كەوا لەسەر سوننەتن(!!!)، برادەرێكیان هەڵە دەكات و لە هێندێ بابەتدا موخالەفەى كرد ، دەلێ : هەموو كۆبوونەوە لەسەر وازهێنان لێى وقسە لەگەڵ نەكردنى ، پاشان ماویەكى پێنەچووە كە لەدین هەڵگەڕايەوە ، هەڵگەڕاوە چونكە لە دەوڵەتێكى كافر دەژى و ، ئەوانەش برادەرى بووینە و لەگەڵى تێكەڵ بووینە ،بەڵام كاتێك كۆبوونەوە لەسەر وازهێنان لێى و قسە لەگەڵ نەكردنى ، وە ئەویش ئیسلام تەواو جێگیر نەبوو لە نەفسیدا  ، گووتى : كوا ئەو دینەى كەوا ئەوە بەروبومەكەى بێت ؟

من قسەم لەگەڵ ناكرێ و كەس لەگەلم دانانیشێ ، وە كەس گرنگیم پێنادا و بە تەنگمەوە نییە ، بۆیە لە دینى ئیسلام هەڵگەڕايەوە ، بەهۆى چى ؟ بەهۆى هەڵەشەیى و پەلەكردن و نەزانى ، كەواى لەوانە كرد ئەو جۆرە كارە ئەنجام بدەن .

بەڵێ خۆشەویستان ئەوە شایەدى مەدخەلییەكانه لە زارى خۆیانەوە،(وشهدوا على أنفسهم).

كەچى لە پەیوەندییەكى تەلەفۆنیيدا لە نێوانى(عبداللطیف و وشیار)دا، كە باس لە كێشەى نێوان”عبداللطیف”و مەدخەلییەكانى(دوز)دەكەن،جا لە بەشى دووەم(۲۹:۴۲)دا،وشیار  ڕەخنە لە كردەوەكانى “عبداللطیف” دەگرێو دەڵێ: عەمەلەچیەك فەقیر بابە گیان واى لێ لێدێ واز لە دین تێرێ (دێنێ).

“عبداللطیف”یش وەڵام دەداتەوە و دەڵێ: نا..نا وا  نییە كەس واز لە دین نایێنێ بەوە.

ئێمەش دەلێین: بەڵێ وایە،بەراستى خەلكانێك وازيان لەدين هێنا،چونكه ئەوەتا خۆتان شاهێدیتان لە سەر خۆتان دا.و)الإقرار سيد الأدلة).

شێخ ناصر العمر دەڵێت:(بل أعظم من ذلك في برازیل جائني طالب یدرس هنا الآن،یقول:والله أننا كنا في برازیل وفي مسجد وجمعیة على خیر،حتى جائنا هؤلاء،فارتد البعض من البرازیل عن الإسلام).

واتە:بەڵكو لەوەش گەورەتر لە بەڕازیل،قوتابییەك هاتە لام كە ئێستا لێرە-واتە:لە سعوودییە-دەخوێنى،دەڵێ:سوێن دبە خوا!ئێمە لە بەڕازیل بووین،لە مزگەوت و لە كۆمەڵیەكدا بووین لەسەر چاكە،تا ئەوەبوو ئەمانە هاتنە لامان،جا بە هۆى فیتنەى ئەمانەوە هێندێ كەس لە بەڕازیل لە ئیسلام هەڵگەڕایەوە!!!

ئەمەش لینكى قسەكەیە لە یوتوب

وە هەروەها هێمن عەبدولعەزیزیش لە پەرتووكى (گێژاوى مەدخەلیزم) ، باسى ڕووداوێكى لەو شێوەیە دەكات ، باسى نامەكەى فەوواز جونەید دەكات كه بۆ (اللجنة الدائمة) ى ناردووە ، جا لەو نامەیەدا هاتووە دەلێ :                                                                                                                                                 ئەوەبوو هێندێ لەوان(واته مەدخەلیيەكان) هەڵسان بە دەست گرتن بەسەر بنكەى شێخ (ئەحمەد سەلام) لە (تلبورخ) و شێخیشیان لە مزگەوتى وەدەرنا ، ئەمە و هەتا تانە گرتنیان لە هێندێ لە بانگەوازكارانى سوننە لە ئەوڕوپا واى لە هێندێ لە لاوان كرد بگرە واى لە هێندێ ئافرەتانیش كرد كە لە نوێژ دووربكەونەوە و واز لەوانە عیلمییەكانیش لەو بنكانە بهێنن ، تانەگرتنیشیان لەو بنكە شەرعیانە بە تۆمەتى ئەوەبوو ، كە ئەو بنكانە لانەى قوتبییەكان و حیزبیەكانن ، هەر خواى بەرزو بڵندیش ئەزانێت كە ئەو تۆمەتەى ئەوان بە هیچ چەشنێك ڕاست و درووست نییە ) . لاپەڕە (۲۳) .

وە هێمن عەبدولعەزیز لە هەمان پەرتووك لە لاپەڕە (۶۲-۶۳) دا دەلێ : وەك ئەو زوڵمە زۆرەى كە بەسەر شێخ ئەحمەد سەللامیان هێنا لە هۆڵەندا ، بەخوا خۆشەویستانم : ئەوكاتەى كە بەندە ئەچوومە دیار ووتارەكانى شێخ ئەحمەد سەللام ، ئەو مزگەوتە شوێنى نوێژى دووبەش بوو كاتێ كە شێخ ئەحمەد ووتارى ئەخوێندەوە هەردوو شوێن تێكەڵ بە یەك ئەبوونەوەوە ، دەرەوەى مزگەوتیشى لێ پڕ ئەبوو ، وەك ئەڵێ ( لە حەشامەتى خەڵك زرمەى ئەهات) بەڵام دواى ئەو بێ ئەدەبییەى كە ئەو قوتابییانەى شێخ كە پێنج ساڵ بوو قوتابى شێخ بوون و هەڵسان بە فیتى شێخ ڕەبیع لە مزگەوتێیان وە دەرنا ، شێخێك كە هەموو سەرو ڕیشى لە خزمەتى عیلمى شەرعیدا شپى كردووە و تەمەنى لە شەست ساڵ بەرە و سەرەو قوتابییەكى شێخى ئەلبانى بووە بەڵام بەرى ڕەنجى پووچ و خەساوى برالەى لاجەماعى ، ئەوەبوو كە دواى چەند ساڵێك چوومەوە هەمان مزگەوتى شیخ بۆ نوێژى هەینى ، كەچى ژماەرى نوێژكەران لە پەنجا كەس زیاتر مەزەندە نەئەكرا و ئەو دوو شوێنەى كە كاتى خۆى لەكاتى نوێژى هەینى ئەكرا بە یەك بەش ، تەنها بە شێكییانەو بچوكتریش كراوەتەوە ؟!! ئەى ئەگەر ئەوه سزایەكى خوا نەبێت بۆ ئەو بەت نمەكو بێ ئەمەكانە تەفسیرى چیترى بۆ ئەكەیت ؟!!

(تخوا ئەگەر ئەو بیرو فیكرە ئایدزى نێو ڕابوونى ئیسلامى نەبێت ، چ شتێكە ؟ ئەگەر پەتا و نەخۆشى نێو گەنجەكانمان نەبێت چ شتێكە ) ؟ .(گێژاوى مەدخەلیزم ، ۶۲)

 

لە كۆتایدا دەلێم : توخوا ئەوە سەلەفیيەتە ؟ توخوا ئەوە خزمەت كردنى ئیسلامە ؟ نا…والله ، بەڵكو ئەوە بەروبوومى مەدخەلیيەتە ، بۆیە دەڵێم : خوایە ئەو دەرد و بەڵایە لە كۆڵ ئیسلام و موسڵمانان كەیتەوە ، هەر ئەوەندە دەڵێم و قسەى تریش بۆ خوێنەران بەجێ دێڵم .

وأخر دعوانا أن الحمد الله رب العالمین

 

دیدگاهتان را بنویسید